Madya asin magkakan kan pinakamasiram na karne nin baka
na pinaglalawig sa mga kabuludan kan probinsya kan Masbate,
an Rodeo Capital kan Pilipinas.

Kun muya mo kan mga produktong gibo sa bunga kan pili,
namitan an mga kakanon sa probinsya kan Sorsogon asin
isabay naman an mga mahahamis na pinya asin an iba pang
gibo sa mahamis na bunga kan probinsya nin Camarines Norte.

Gikan sa daghan kan Bulkan Mayon, mansayan an kagayonan
kan mga gibo sa dulay sa probinsya kan Albay mantang sa
probinsya nin Camarines Sur naghahalat na mahiling mo an
mga magagayon asin mahihimbong na mga hina’bol na
parehong gibo kan mga mahihigos na kamot kan mga Bikolnon.

Ngonyan an panahon na an mga balaog kan Bikol pinagmarahay
na tiriponon sa sarong lugar nganing mahiling ta an mga produktong ini,
na ngonyan binubuksan an pagkakataon para sa lambang saro na magpuon
na nin pagmukna, paghaman asin pagpapakusog kan mga negosyo asin
kabuhayan sa satuyang ronang Bikol.

Kaya, madya asin makisumaro an gabos sa Orgullo Kan Bikol 2010.

-----------------------------------------------------------------------------------------

5th Level, Bldg. B., SM Megamall, Mandaluyong City, MM

October 7-10, 2010

For details, visit:   http://sites.google.com/a/dti05.org/ok-bikol/